Қазақстан Ыстықкөлдегі күн электр станциясы құрылысына капитал салмақ

Ашық дереккөз

Қазақстан барлық міндеттемелерін толық орындауға және маңызды жобаларды бірлесе іске асыруға дайын. Бұл туралы Қазақстан мен Қырғызстан Президенттерінің бұқаралық ақпарат құралдары үшін өткен брифингі барысында Қасым-Жомарт Тоқаев айтты, деп хабарлайды Ақорда.

Жобаның құны – 300 млн доллар. Қасым-Жомарт Тоқаев су-энергетика саласындағы қарым-қатынасты үйлестіруді маңызды бағыт ретінде атады.

«Біз трансшекаралық су ресурстары - ортақ байлық екенін тағы бір мәрте атап көрсеттік. Су тапшылығы мәселесі жылдан-жылға күрделеніп келеді. Беделді халықаралық экологиялық ұйымдар осындай болжам жасап отыр. Су келешекте көп болмайды, тапшы болады. Бұл – анық нәрсе. Сондықтан, Орталық Азия мемлекеттері бірлескен жұмыстарды қолға алуы қажет. Екі елге ортақ өзендер әрдайым жұртты жақындастыра түсуге дәнекер болуы керек. Қазақстан барлық міндеттемелерін толық орындауға және маңызды жобаларды бірлесе іске асыруға дайын», – деді Мемлекет басшысы.