Жеңіс Қасымбек Франция елшісімен кездесті

Қарағанды облысына Францияның Қазақстандағы Төтенше және өкілетті елшісі Дидье Канесс келді. Дипломатиялық ведомство басшысы Қарағандыда Француз альянсының ресми ашылуына қатысады, сондай-ақ білім беру мекемелерінде болуды жоспарлап отыр. Сонымен қатар, ҮЕҰ-мен кездесулер қарастырылған.

                                    а

Облыс әкімі Жеңіс Қасымбекпен кездесуде екіжақты ынтымақтастықты дамыту мәселелері талқыланды.

– Франция – еліміздің Еуропалық одақтағы стратегиялық серіктестерінің бірі. Қарағанды облысында көптеген шетелдік компаниялар жұмыс істейді. Аймақ өнімдерін әлемнің 50-ден астам еліне, соның ішінде Францияға экспорттайды. Әрине, сіздің еліңізбен тауар айналымы минималды – шамамен 30 миллион АҚШ доллары. Менің ойымша, бұл көлем көрсеткіш емес, біздің екіжақты ынтымақтастық үшін үлкен әлеуетіміз бар, – деп атап өтті Жеңіс Қасымбек.

2021 жылдың 9 айында Францияға экспорт 18 млн долларды, импорт 10 млн долларды құрады. Облыс бұл елге тазартылған мыс жеткізеді, сонымен қатар жабдықтар, дәрі-дәрмектер, ыдыс-аяқ, шарап және т. б. әкеледі.

Облыс әкімі өңірдің әлеуметтік-экономикалық дамуы туралы айтты.

                              а

– Сапардың басты мақсаты – Қарағандыда Француз альянсының ашылуы. Бұған дейін ұйым филиал ретінде жұмыс істеді, енді олар мәртебесін көтеруге шешім қабылдады. Француз альянсы – бұл әлемдегі мәдени орталықтардың үлкен желісі – олардың саны 800-ден асады, – деді Дидье Канесс мырза. – Екінші бағыт – жоғары білім беру саласындағы ынтымақтастық. Е. А. Бөкетов атындағы Қарағанды университетінің, Қарағанды медицина университетінің басшылығымен қарым-қатынасты дамытуды талқылайтын боламыз.

Елші сондай-ақ Қарағанды мектептерінде француз тілін тереңдетіп оқыту жобасын ұсынды. Оның айтуынша, база ретінде Қарағанды қаласының № 97 гимназиясын алуға болады.
– Біз мәдени және білім беру ынтымақтастығына қызығушылық танытамыз. Жан-жақты қолдау көрсетуге дайынбыз, – деп сендірді Жеңіс Қасымбек.