Долинка кентіндегі мұражайда «Бөбектер үйінің бөлмесі» атты инсталляция ашылды

Долинкадағы саяси қуғын-сүргін құрбандарын еске алу мұражайында «Бөбектер үйінің бөлмесі» инсталляциясы ашылды. Жаңа бөлмелер ата-анасымен бірге қуғын-сүргінге ұшыраған балалар өмірінің атмосферасын жеткізеді.

1940-1941 жылдары Карлагта 1 048 бала дүниеге келді. Себебі кейбір әйелдер лагерьге жүкті болып келген. Сондай-ақ, балалары бар аналар болған. 1950-1952 жылдары 1 713 сәби дүниеге келді. Қарағанды лагеріндегі  сәбилер үйінде 576 бала болды.

Тұтқындалған аналардың лагерьде туылған балалармен кездесулері белгілі бір жасқа дейін ғана мүмкін болды. 3-4 жастан кейін баланы Карлагтан тыс балалар үйіне ауыстырды.

«Бөбектер үйінің бөлмесі» инсталляциясында мұражайдың негізгі қорынан алынған үлгілер бойынша жасалған балалардың кереуеттерін, манеждерді, ал жалған терезенің сыртында балаларды тамақтандыруға баратын әйелдердің бейнесін көруге болады. Сондай-ақ экспозицияда «Карлаг балалар үйінің балаларын есепке алу кітабы» интерактивті элементі ұсынылған. Онда лагерьде туған әрбір адам өзі туралы мәлімет қалдыра алады.

Саяси қуғын-сүргін құрбандарын еске алу мұражайы келушілерді сейсенбіден жексенбіге дейін қабылдайды. Экскурсияға (8-7212) 156-58-222 телефоны бойынша жазылу керек.