Асхат Аймағамбетов мектепте орамал тағу мәселесіне қатысты пікір білдірді

Ашық дереккөз

Білім және ғылым министрі Асхат Аймағамбетов оқушы қыздардың мектепте орамал тағуына қатысты пікір білдірді. Министр бұл мәселеге nur.kz порталына берген сұхбатында тоқталып өтті.

«Мектептерде орамал тағу мәселесі тек біздің елде ғана емес, басқа да бірқатар елде үнемі қызу талқыланып келеді. Бірақ Қазақстан – зайырлы мемлекет және мектеп те зайырлы мекеме. 2016 жылы қабылданған бұйрықта талаптар көрсетілген. Дегенмен әртүрлі топтардың инклюзивтілігін қамтамасыз ету маңызды екенін көріп отырмыз. Мысалы, басына орамал тағу мүмкіндігі болмағандықтан ата-анасы сабаққа жібермейтін қыздардың мәселесін алып қарауға болады. Осындай себептерге байланысты балалар мектепке бармаса немесе қашықтан оқуға көшуге мәжбүр болса, онда ол кері әсерін тигізеді. Жалпы біз инклюзивті қоғам болуымыз керек», деді А.Аймағамбетов.