«Жасыл ел» еңбек жасақтары 1 маусымнан бастап жұмыс істей бастайды

«Жасыл ел» жасақтарының қайда жұмыс істейді? Жұмысқа орналасу үшін қандай құжаттар ұсыну қажет? Осы және өзгеде сұрақтарға Қарағанды қалалық еңбек жасақтары штабының қызметі аясында жастардың маусымдық жұмыспен қамтылуын ұйымдастыру жөніндегі жоба жетекшісі Дәулет Есанов Өңірлік коммуникациялар қызметінің алаңында жауап берді.

– Биыл «Жасыл ел» бағдарламасы бойынша Қарағанды облысында 14–28 жас аралығындағы 280 жауынгерді жұмысқа орналастыру жоспарлануда.Еңбек жасақтарының жауынгерлері саябақтарды көгалдандырумен және абаттандырумен айналысатын болады. Жұмыстарды 1 маусымнан бастап іске қосу жоспарлануда, – деп атап өтті Дәулет Есанов.

Заңнамаға сәйкес жұмыс уақыты жасына байланысты есептеледі. Мысалы, 14 жастағы балалар күніне 4 сағат жұмыс істейді. 16 жастан асқандар 6 сағат жұмыс істейді. 18 жастан бастап - күніне 8 сағаттан. Барлығы аптасына бес күн жұмыс істейді.

Жұмысқа орналасу үшін келесі құжаттарды ұсыну қажет:

- жеке куәліктің немесе туу туралы куәліктің көшірмесі. Егер Сіз кәмелетке толмаған болсаңыз, Сізге ата-ананың немесе заңды қамқоршылардың жазбаша рұқсаты қажет;

- cтуденттерге арналған оқу орнынан анықтама;

- денсаулық жағдайы туралы терапевт анықтамасы. Оны тіркелген жері бойынша емханадан алуға болады;

- банктік шот;

Құжаттарды Әлиханов көшесі, 37 мекенжайы бойынша орналасқан қалалық штабқа тапсыру қажет. Штаб жұмыс күндері сағат 09:00-ден 18:00-ге дейін жұмыс істейді.

– Құжаттарды рәсімдегеннен кейін (25 мамырға дейін) «Жасыл ел» мен жауынгерлер арасында шарттарға қол қойылады. 1 маусымнан бастап барлық 280 адам бір уақытта жұмыс істей бастайды: ай сайын 90 адам жұмысқа орналасады. Әркім өзіне ыңғайлы жұмыс кезеңін таңдай алады, – деп түсіндірді Дәулет Есанов.

Айта кету керек, оқушылар үшін орын саны шектеулі. Келісімшарт 14 пен 15 жас аралығындағы 45 баланы ғана жұмысқа орналастыруды көздейді.

«Жасыл ел» жобасы сонымен қатар экологиялық мәдениетті арттыруға бағытталған. Осы мақсатта 17–21 мамыр аралығында Тазалық кубогы өтуі тиіс. Бұл байқау өскелең ұрпақтың назарын қоршаған орта проблемаларына аударуға бағытталған. Апта бойы оқушыларға түрлі тапсырмалар беріледі. Жеңімпаздар 24 мамырда жарияланады. Марапаттау қалалық «Жасыл ел» жастар еңбек жасағының ашылу салтанатында өтеді.

Осы жылдың қыркүйек айында студенттер арасында тазалық Кубогын өткізу жоспарланып отыр. Сондай-ақ, басқа да экологиялық жобалар іске асырылатын болады.

«Жасыл ел» еңбек жасақтары маусымының жабылуы қыркүйек айының соңына жоспарланып отыр.