Қарағанды облысында екі бала терезеден құлап түсті

Қарағанды облысында бір күнде екі жазатайым оқиға болды. Балқаш пен Сәтбаев қаласында биік ғимарат терезесінен балалар құлап түсті.

Балқашта 2018 жылғы бала екінші қабаттың терезесінен құлап, жарақат алды. Бұл уақытта ата-анасы қайда болғаны белгісіз. Бала ауруханаға жеткізілді.

Ал Сәтбаев қаласында сегіз жастағы бала көпқабатты үйдің бесінші қабатындағы пәтердің терезесінен құлап, ауыр жарақат алды. Баланың жағдайы ауыр.

Қарағанды облысы ТЖД баспасөз қызметі ата-аналарды балаларға аса мұқият болуға шақырды. Ведомство өкілдері балалардың жиі жаралануы мен өлімінің негізгі себебі ата-ана қадағалауынсыз қалуынан екенін хабарлады.